كتير مننا سمع قبل كده عن ال "Arduino" و عن المشاريع الكتير اللي بتتعمل بيه، لكن ايه هو ال "Arduino" في الاساس؟ 🤔

ال "Arduino" هو عبارة عن Open Source (Hardware & Software) و هو معالج صغير (Micro Controller)، يعني ممكن نعتبره كمبيوتر بدائي برمجته سهلة جدا، و ممكن من خلال شويه اوامر بسيطة ال "Arduino" يساعدك في انك تعمل تطبيق تستخدمه في حياتك اليومية!

يعني علي سبيل المثال، ممكن تعمل تطبيق بيتحكم في درجة حرارة المكان و الاضاءة بتاعته من خلال تليفونك، و افكار تانيه كتير! 🤩

طيب ممكن تبدأ تتعلم "Arduino" ازاي؟ 🧐

الحقيقة انك مش محتاج يكون عندك خلفية كبيرة عن البرمجة عشان تبدأ، و عشان احنا دائمًا بنحاول نساعدك تتعلم و تحسن من نفسك، هنقدملك workshop لتعلم ال "Arduino". 🥳

ال workshop هيكون علي مدار يومين و هيكون معانا فيهم بشمهندس مازن النحلة. 👨‍💻

🔸 اليوم الأول (الاثنين 06/03/2023):

هنتعلم مع بشمهندس مازن عن أساسيات ال "Arduino" و برمجته و الأوامر الأساسية اللي هتحتاجها عشان تعمل اول مشروع ليك.

📍كلية تكنولوجيا الإدارة و نظم المعلومات، جامعة بورسعيد، الساعة 3 مساء.

🔸 اليوم الثاني (الخميس 09/03/2023):

📍كلية تكنولوجيا الإدارة و نظم المعلومات، جامعة بورسعيد، الساعة 3 مساء.

هنتعلم سوا ازاي نكون روبوت صغير نقدر نتحكم فيه باستخدام ال "Arduino" و تطبيق علي الموبايل.

هدفنا في ال workshop دي أننا نعلمك كل أساسيات الأردوينو اللي تقدر من خلالها تنطلق في عالم الأردوينو و تستكشفه. 🤩❤