”بتعرف تبيع نفسك؟“ خلينا متفقين ان المنافسة في سوق العمل بقت عالية جدًا خلال الكام سنة اللي فاتوا وده بسبب وجود ناس كتير بتدور على فرص عمل، سواء في الشركات أو كـ Freelancers وهنا بيظهر سؤال مهم، هو كل الناس اللي عندهم مهارات كويسة بيقالوا فرص شغل حلوة؟ الإجابة هي لأ - مش في كل الحالات 🔴 - تقصد ان ممكن اتنين يكون عندهم نفس مستوى المهارات في حاجة معينة وواحد منهم يبقى دخله أكبر من التاني؟ = أه بالظبط كده، وانت أكيد شوفتها بنفسك كتير - أه شوفتها، بس ما كنتش فاهم ليه ده بيحصل وقولت أكيد ”حظ“ = لأ هو مش حظ، وهقولك اللي فيها دلوقت هشرحلك على الشخصين اللي انت سألت عنهم السبب الحقيقي هو ان شخص منهم عرف يبيع نفسه والتاني ماعرفش 🔴 - يعني ايه بقى أبيع نفسي دي؟ = تبيع نفسك يعني تقدر تسوق لنفسك ولمهاراتك وتعرف توصل للعميل اللي محتاج خدماتك سواء بتدور على وظيفة في شركة أو حابب تكون Freelancer ناس كتير عندهم مهارات عالية في التخصص بتاعهم بس مش كل الناس بتعرف تسوق لنفسها صح، لأنهم مش فاهمين السوق محتاج ايه وده ممكن يخليهم يستثمروا جزء كبير من وقتهم وطاقتهم في حاجة مالهاش احتياج كبير زي ما هما فاكرين 🔴 - طب ايه الحل؟ = الحل ببساطة انك تذاكر تسويق، حاول انك تفهمه وتتعلمه حتى لو مش عايز تخصص فيه والتسويق مش معناه انك تجيب منتج وتبيعه للناس، لأ الموضوع أعمق وأحلى من كده التسويق انك تقدر تعمل منتج والناس فعلاً محتاجاه وبتدور عليه، مش العكس لما تكون فاهم تسويق صح هتقدر تفهم سوق العمل بتاعك محتاج ايه؟ وهتعرف ازاي تسوق لمهاراتك وتوصل للناس اللي محتاجة الخدمات اللي انت بتقدمها عرفت بقى ان الموضوع مش ”حظ“؟ - ده فرق مهارات كبير بين الشخصين اللي اتكلمنا عنهم 🔴 - والتسويق ده أروحله منين؟ هقولك تروح منين 😄 التسويق مجال واسع وفيه تخصصات كتير، وأول خطوة فيه هي أهم خطوة ولازم تركز وتحاول تعملها صح مستعد تعمل الصح؟ - مستعد 🤝 أول خطوة هي انك تاخد فكرة حلوة عن معظم التخصصات في التسويق، وتفهم كل تخصص عبارة عن ايه وبنعمل بيه ايه؟ عشان تقدر بعدها تتحرك نحية التخصص اللي إنت محتاجه أكتر وده أنا مش عايزك تتعب وتدور عليه كتير، يوم السبت الجاي الساعة 6 مساءً هعملك سيشن لطيف ومجاني بعنوان ”أساسيات التسويق الرقمي“ وده سيشن معتمد من ”مهارات من جوجل“ - وهتاخد شهادة لطيفة عليها اسمك لما تحضر ✨ 🔴 - وايه الخطوة اللي بعدها؟ = الخطوة التانية هقولك عليها في السيشن ان شاء الله، تعالى احضر واسألني براحتك يوم السبت 😄❤️ 📌سجل في الفورم دي دلوقت عشان يوصلك لينك الحضور https://forms.gle/5aW3jN79TM5wFfHL8 ودلوقت هسيبك، نبقى نكمل كلامنا يوم السبت الساعة 6 مساءً على تطبيق Google Meet ✨ لو هتحضر من الموبايل فـ اجهز ونزل التطبيق على موبايلك من دلوقت 📱 متتأخرش أنا مستنيك ❤️
Milkawy
GDSC Lead
