احنا إيفنت اونلاين مدته 3 أيام (29 و30 و31 يناير), هنتكلم فيه عن الfields بتاعت الData Science والInformation Technology مع سبيكرز متخصصين في كل مجال من المجالات دي🤩

أول يوم هيكون معانا Guest Speaker غيدا زبيب، وهي خريجة كمبيوتر ساينس الجامعة اللبنانية الأميركية واخدت ماستر في الData Analytics من جامعة أريزونا في الولايات المتحدة بمنحة من الوكالة الامريكية للتنمية USAID وحاليا هي IT Administrator في الجامعة الأمريكية في بيروت. غيدا هتكلمنا عن الاكسبيرينس بتاعتها كIT وليه هي فكرت تعمل الماستر بتاعتها في الData Analytics وليه هي حاليًا بتعمل shifting من فيلد الIT لفيلد الData Analysis وهتعرفنا بردو ايه الي يخليني اختار الData Analytics والComputer Science عمومًا.

تاني يوم معانا سما مخيمر وهي مهندسة Artificial Intelligence في الإمارات العربية المتحدة وأخدت ماستر في الArtificail Intelligence من جامعة باجي المختار في الجزائر سما هتكلمنا عن الArtificial Intelligence والMachine learning والDeep Learning وايه الفرق بينهم وليه اشتهرت مجالات الذكاء الاصطناعي مؤخرًا وايه هي المهارات المطلوبة عشان أبدأ اتعلم الذكاء الاصطناعي وتعلم الالة والتعلم العميق؟ وايه هو المجال الذي المفروض أختاره من المجالات الثلاثة دي؟ ما انواع المشاريع التي يمكن القيام بها؟ ونصيحة مهمة للمهتم بالمجال.

تالت يوم معانا توفيق البحيري وهو Python Developer متمرس جدًا وهو حاليا بيدرس كمبيوتر ساينس في جامعة دمياط الجديدة وكان بيدرس قبل كده في Dakahlia STEM School بمنحة كاملة من صندوق التنمية الأميركي USAID. توفيق هيكلمنا عن البايثون بشكل عام وبنقدر نستخدمها في ايه وايه الخطوات والمصادر الي لازم أخدها عشان اتعلم صح وهحتاج وقت قد ايه تقريبا عشان اكون متمكن من الموضوع كله بالإضافة لنصائح مهمة تساعدني اشتغل كPython Developer في المستقبل.