دلوقتي جه الوقت اللي هنعلن فيه عن اول سيشن الـ Problem Solving او ما يُعرف بـ "حل المشكلات"🥳

طب هو يعني ايه اصلا Problem Solving؟🤔

ببساطة الـ Problem Solving هي مهارة حل المشكلات ودي مهارة لازم تكون موجودة عندك مش بس ف الشغل ولكن كمان ف حياتك العادية💁‍♀️

_ ايوة ليه بردو مفهمتش!!🤨

لانة ببساطة مجرد تمرينك واتقانك للمهارة دي هتساعدك توسع مدارك تفكيرك وتفكر بشكل احسن، هتساعدك انك تمسك المشكلة كدا وتجيبها من جذورها وتبدأ تفصصها حته حته ودا هيساعدك انك بدل ما تفكر ف حل واحد بس للمشكلة، لا انت هتفكر ف كذا حل وهيجي ف بالك كذا طريقة لحد ما ف الاخر تختار احسن طريقة وتستخدمها، دا بالظبط اللي بتعمله الـ PS عرفت ليه لازم تتعلمها وتتمرن عليها؟🤔

طب حلو اوي احنا دلوقت عرفنا ان دي حاجه مهمه ولازم اتدرب عليها، طب هي دي ليها كورس اخده وبعدها ابقي جامد بقي وكدا؟🤓

للاسف لا ي صديقي، الـ PS دي مهاره والمهاره بنتعلمها بالتمرين عليها واستخدامها بشكل متكرر لفتره طويلة لحد ما نتقنها كويس🤸‍♀️

اممم ودا هعمله ازاي؟

هو دا اللي انا جاي اكلمك فيه ي عزيزي النهاردة، احسن طريقة عشان تتعلم بيها الـ Problem Solving Skill هي انك تربطها بالبرمجه، هتقولي وايه العلاقة ��عني؟🤔

قبل ما اقولك خليني اقولك يعني ايه برمجة اصلا الاول

البرمجه: هي اني اكتب كود عشان ينفذلي مهمه معينه هيكون صعب عليا كبني ادم عادي اني انفذها بايدي زي مثلا حساب العمليات الحسابية المعقدة، يعني لو سألتك دلوقت 1590*2873 بكام، تقدر ف خلال 3ث تجاوبني؟🧐

اكيد لا، إالا اذا كنت اينشتاين القرن ال 21😂

تخيل معايا ان احنا كدا استخدمنا مهاره الـ PS من غير ما نحس؟ تعالي اشرحلك ازاي

دلوقت احنا معانا مشكلة وهي اننا معانا عملية ضرب مكونه من رقمين حجمهم كبير، ف احنا فكرنا اننا هنكتب كود يحللنا المعادلة دي ف 3ث بس، بس خلي بالك الكود دا لازم يبقي كود منظم كدا وابن ناس مش اي كلام👀

ودا اللي هنتعلمه مع بعض ف تراك الـ PS، هنتعلم ازاي نفكر ف المشكلة اللي عندنا ونحللها ونبدأ نقترح حلول ليها وبعدين اخر حاجه هنكتب كود يعملنا الكلام دا كله🤸‍♀️

اتحمست وعاوز تبدأ تعرف ازاي تستخدم الـ Skill دي؟🤔

تقدر تحضر معانا اول سيشن عن البرمجه والـ PS الجمعة الساعه 8م بتوقيت القاهره مع بشمهندس محمد رمضان،

واللي هيكلمنا فيها اكتر عن اساسيات البرمجه ويعرفنا اكتر عن عالم الـ PS والـ Programming🔥🔥

اظبط ساعتك ع الساعه 8م⏰

#gdsc_au_law

#GoogleDeveloperStudentClubs

#GDSCMENA

#GDSCEGYPT