و رجعنالكم تاني في سيشن ال web development حنكمل باقي الكورس ان شاء الله 👀 و اللي بيقدمهولنا الباشمهندس Osama wafy ✨ حنشرح المرادي عن الCSS و استخداماتها و ازاي بتستخدم و الsyntax بتاعتها و برضو ازاي بنستخدمها مع الHTML حنتكلم عن اشهر الproperties و الvalues اللي بتستخدم كتير فيها و امثله على box model و اخيرا حنديكم شوية tricks فيها 👀 لحظه طيب كل ده حلو بس هل اصلا سمعت عن ايه هي لغة الCSS قبل كدا ؟!..🤔 طيب لو مسمعتش فالCSS بشكل عام اختصار ل - (Cascading Style Sheet) لغة توصيفية بتدي الwebsite شكله المميز و تصميمه اللي بيميزه عن غيره من الwebsites التانيه و تعتبر لغة الCSS صديقة لغة الHTML .. اي ده ازاي ؟ 🧐 يعني هي دايماً مرافقة ليها في تصميم و إنشاء الwebsites اللغتين دول بيشكلوا الأساس لكل موقع يعني ال HTML هي أساس كل عناصر صفحة الويب أما الCSS هي أساس تصميم و شكل الموقع بمعنى آخر منغيرها حتفضل الwebsites مجرد نص عادي على خلفيات بيضاء عايز تعرف اكتر عن الموضوع و تفهم الحكايه من الاول ماشيه ازاي بالضبط 🤔 تابعو معانا السيشن بكرا حيبقى الساعه 8 مساء ان شاء الله Don't be late 😁
